الأرشيف سبتمبر 2018

ئاڤەتار: ئەڵقەی سی و دوو

9/30/2018 04:09:00 م سەرنجێک بنووسە






ئاڤەتار
"دواهەمیین ملکەچپێکەری هەوا"

کتێبی دوو: خاک
بەندی سی و دوو: دەروازەی مارەکان

زنجیرە فلیم کارتۆنی Avatar: The Last Airbender بە ژێرنووسی کوردی، بەرهەمی Kurdio Anime و تێک ئەپ.
وەرگێڕان و ژێرنووسکردنی: بڕوا حسێن
قەبارەی ڤیدیۆیەکان بە 960x720ە، لەو قەبارەیە باشترمان دەست نەدەکەوت چونکە ئەنیمەیشنەکە خۆی بە 3:4 دروستکراوە.

  • دابەزاندن:
    ئاگەداری: لینکی دابەزاندن لە گۆگڵ درایڤ بلۆک کراوە، هەندێک لە ڤیدیۆیەکان سڕاونەتەوە، بەڵام دەتوانن بەبێ کێشە ڤیدیۆکان لە Mega دابەزێنن .

 هەموو ڤیدیۆکان لەم لینکە هەیە.


دابەزاندن لەگۆگڵ درایڤەوە: 



دابەزاندن لە Mega:

داگرتنی ژێرنووس بەتەنها:
بۆ پاراستنی مافی ئێمە لە دزینی ژێرنووسەکان، فایلی ژێرنووسمان دانەناوە، گەر پێویستت پێی بوو ئەوە پەیوەندیمان پێوە بکە.

  • بینینی ڕاستەوخۆ:

هاککەرانی Pangu هەستان بە جەیلبرێککردنی iOS 12!

9/27/2018 07:57:00 م سەرنجێک بنووسە

هەواڵێکی خراپ بۆ ئەپڵ!

تیمی هاککەرانی چینی Pangu هەستان بە جەیلبرێککردنی iOS 12 لەسەر نوێترین مۆبایلی ئەپڵ iPhone XS. بەڕاستی ئەمە زۆر خێرابوو! زۆر نابێت iOS 12 بە شێوەیەکی فەرمی بەردەست بووە و iPhone XS یش بە هەمان شێوە.
تیمەکە ماوەیەکی زۆرە بێدەنگ بوون دوای ئەوە کە پێش سێ ساڵ بەر لە ئێستا جەیلبرێکیان بۆ iOS 9 بڵاوکردەوە.

جەیلبرێکەکە کاردەکات لە ڕێگەی تێپەڕاندنی PACی کردارەکی (Pointer Authentication Codes) کە لەلاین چیپە تازەکەی ئەپڵ A12 Bionic خراوەتە جێبەجێکردنەوە. لەبەر ئەوەی لە ڕووی ڕەقەکاڵەوە iPhone XS Max بە نزیکی هەمان شێوەی iPhone XSـە، بۆیە پێشبینیدەکرێت کە لەسەر ئەویش کاربکات. هێشتا گروپی Pangu هیچ وتەیەکی فەرمییان بڵاو نەکردۆتەوە دەربارەی و جارێ دیار نییە ئایە بڵاودەکرێتەوە بۆ بەکارهێنەران.

وریابە بە جەیلبرێککردنی ئایفۆنەکەت؛ ڕووبەڕووی مەترسی هاککردن دەبیتەوە!

بینینی وێنە و پەیوەندییەکان لە iOS 12 بەبێ زانینی وشەی تێپەڕ!

9/27/2018 05:55:00 م سەرنجێک بنووسە
نزیکەی ساڵێک پێش ئێستا بوو کە بابەتێکمان بڵاو کردەوە لەسەر تێپەڕاندنی پاسکۆدی ئایفۆن بۆ بینینی وێنە و ناوەکان، وا دیارە لە وەشانە تازەکەی iOS دا هێشتا توانای ئەوەت هەیە! کەناڵی EverythingApplePro لە یوتیوب ڕێگەیەکی نوێی بڵاوکردۆتەوە کە لە ڕێگەیەوە توانای ئەوەت دەبێت دەستت بگات بە لیستی پەیوەندییەکان Contacts و بینینی وێنەکان لە iOS 12. ئەم ڕێگەیە لە هەموو ئایفۆنەکانی ئاپڵ کاردەکات بە ئایفۆنە تازەکانیشەوە.

چۆنیەتی ئەنجامدانی

ئەتوانن لێرە تەماشای ڤیدیۆکە بکەن کە چۆنیەتی ئەنجامدانی کردارەکە ڕووندەکاتەوە:

خۆپاراستن:

ئەم ڕێگایە پێویستی بەوە هەیە کە Siri و VoiceOver ئیش پێبکەیت، بۆیە ناچالاککردنی ئەو دوانە بە شێوەیەکی سەرکەوتوو مۆبایلەکەت دەپارێزێت. بێگومان ئەپڵ لە وەشانی دواتردا ئەم کێشەیە چارەسەر دەکات.

ئاڤەتار: ئەڵقەی سی و یەک

9/24/2018 05:07:00 م سەرنجێک بنووسە






ئاڤەتار
"دواهەمیین ملکەچپێکەری هەوا"

کتێبی دوو: خاک
بەندی سی و یەک: بیابانەکە

زنجیرە فلیم کارتۆنی Avatar: The Last Airbender بە ژێرنووسی کوردی، بەرهەمی Kurdio Anime و تێک ئەپ.
وەرگێڕان و ژێرنووسکردنی: بڕوا حسێن
قەبارەی ڤیدیۆیەکان بە 960x720ە، لەو قەبارەیە باشترمان دەست نەدەکەوت چونکە ئەنیمەیشنەکە خۆی بە 3:4 دروستکراوە.

  • دابەزاندن:
    ئاگەداری: لینکی دابەزاندن لە گۆگڵ درایڤ بلۆک کراوە، هەموو ڤیدیۆیەکان سڕاونەتەوە، بەڵام دەتوانن ڤیدیۆکان لە Mega دابەزێنن بەبێ کێشە.

 هەموو ڤیدیۆکان لەم لینکە هەیە.


دابەزاندن لەگۆگڵ درایڤەوە: 



دابەزاندن لە Mega:

داگرتنی ژێرنووس بەتەنها:
بۆ پاراستنی مافی ئێمە لە دزینی ژێرنووسەکان، فایلی ژێرنووسمان دانەناوە، گەر پێویستت پێی بوو ئەوە پەیوەندیمان پێوە بکە.

  • بینینی ڕاستەوخۆ:

توانای ئەوەت نابێت کە تەماشای ڤیدیۆی 1080p بکەیت لە ئایفۆنە نوێیەکەی ئەپڵ!

9/20/2018 12:47:00 ص سەرنجێک بنووسە
نا تایتڵەکە کلیکبەیت نییە! بەڵێ ڕاستە - لە 2018 ئەپڵ ئایفۆنێکی نوێی داهێناوە کە شاشەیەکی Full HD نییە! 
iPhone XR یەکێکە لە ئایفۆنە تازەکانی ئەپڵ کە لەم ڕۆژانەدا ڕایگەیاند، نرخی 750$ـە!  و شاشەکەی 1792x828ـە. واتە تەنانەت 1080p نییە! واتە توانای ئەوەت نابێت کە لە ئاپی Youtube ڤیدیۆکە بە 1080p تەماشا بکەیت!

شاشەیەکی 1080p بە 300$!

بەڵێ، Pocophone F1 لەلایەن شاومییەوە شاشەیەکی Full HD هەیە بە تەنها 300$. راستییەکەی ئەوە شتێکی ئەوەندە سەرنج ڕاکێشە نییە، چونکە 2018یە و هەموو شوێنێک شاشەی کوالێتی بەرزی لێیە. بەڵام تۆ بڵێی چی وا لە ئەپڵ کردبێت کە کوالێتی شاشەکەی لە iPhone 4 نزمتر کردبێت کە لە 2010 دەرچوو؟! راستە، چڕی پیکسڵەکانی لە ئینچێکدا لە ئایفۆنە تازەکەدا لە iPhone 4 کەمترە! تەنانەت لە Samsung Galaxy S4 کەمترە کە 2013 دەرچوو!
لەوەیە بڵێیت کە چاوی مرۆڤ توانای جیاکردنەوەی ئەو هەموو وردەکارییانەی نییە لە شاشەیەکی ئەوەندە بچوکدا. بەڵام بۆچی ئەپڵ دوو مۆبایلی گرانتر دەفرۆشێت کە کوالێتی بەرزترە بەنرخی زۆر زیاتر؟!

بەڵێ بەڕێزان، بەداخەوە لە سەردەمێکداین کە مۆبایلێکی 750$ی نزمترین کوالێتی هەیە لە بازاڕی مۆبایلدا و ئەپڵیش شانازی پێوە دەکات! 
تەماشای ئەم ڤیدیۆیە بکە بۆ زانیاری زیاتر:
ڕای تۆ چییە؟ ئایە تۆ ئامادەی پارە بە مۆبایلێکی لەو جۆرە بدەیت؟!

ئایە پلانەکەی سانۆس سەرکەوتووە؟ یان گەمژانەیە؟

9/17/2018 09:16:00 م سەرنجێک بنووسە
ئاگەداربە: ئەم بابەتەی دەیخوێنیتەوە سپۆیلی تێدایە.



Lady Death یان خاتوونی مردن: خۆشەویستەکەی سانۆس لە کۆمیکەکان.
کارەکتەری سانۆس، لە فیلمی Avengers: The Infinity War کارەکتەرێکی ئاڵۆزە، کە قووڵی فیلمە سوپەرهیرۆیە نوێیەکان دەردەخات. کە تەنها جەنگی نێوان خراپە و چاکە نییە، بەڵکو زیاتر بەرەو شەڕی ئایدۆلۆژی لادەدات.  هەرچەند پاڵنەری سەرەکی سانۆس لە کۆمیکەکان جیاوازە لەوەی فیلمەکە. سانۆس لە کۆمەکیکەکان بۆ سەرنج ڕاکێشانی خۆشەویستەکەی کە "خاتوونی مردن"ـە، دەست دەکات بە کوشتنی نیوەی خەڵکی گەردوون. هەرچەندە بەجۆرێک لە جۆرەکان ئەمەیان مانادارترە کەچی لە فیلمەکە چیرۆکەکە بە شێوەیەکی ترە، سانۆس پێی وایە کە دانیشتوانی گەردوون ژمارەیان زۆرە بۆیە ئەو سەرچاوانەی لە گەردوون هەیە بەشی زۆر ناکات و کاتێک دێت کە خەڵکی هیچ داهاتێکیان نابێت لەسەری بژین.


بێگومان مەسەلەکە هەر ئەوەندە سادە نەبووە، سەرەتا ئەو هەسارەیەی کە سانۆس لێی ژیاو (تایتان) بەهۆی زۆربوونی دانیشتوانەکەیەوە تووشی کێشە هاتووە و لەناوچووە. بۆیە بڕیاری داوە کە گەردوون پێویستی بە هاوسەنگییە. دەبێت هاوسەنگییەک لە نێوان ژیان و مردن هەبێت، ئەگەر لە پێشکەوتن بەردەوام بین ئەوکات خەڵکانێکی کەمتر دەمرن و بەمجۆرە دانیشتوان زۆر زیاد دەکەن و نا هاوسەنگی دروست دەکات. بۆیە بڕیاری داوە کە ئەو ببێت بەو کەسەی کە هاوسەنگی ڕادەگرێت، جار نا جارێک نیوەی گەردوون دەکوژێت بەمەش گەردوون دەتوانێت بۆ ماوەیەکی زیاتر بەردەوام ببێت. بەڵام ئایە ئەمە بە تەنها بەسە بۆ هێشتنەوەی هاوسەنگی؟ ئایە ئەمە تاکە ڕێگەیە؟!

بۆچی دروست ناکەیت لە جیاتی کوشتن؟

سانۆس دوای ئەوەی دەستەوانەی بێپایانی دەست کەوت (Infinity Gauntlet)، و دوای ئەوەی کە توانی هەموو بەردە بێپایانەکان کۆبکاتەوە، توانی بە یەک چەقەنە نیوەی خەڵکی گەردوون بکوژێت! ڕاستییەکەی ئەو کەسانە هەر وا نەمردن، بەڵکو بوونیان نەما و بوون بە تۆز، مردنێکی بێ ئازار. بەڵام بۆ پاراستنی هاوسەنگی نەیدەتوانی کە سەرچاوەی نوێ دروست بکات بۆ گەردوون بۆ لە جیاتی ئەوەی بکوژێت؟ دەتوانی بڕێکی بێشومار لە سەرچاوەی سروشتی دروست بکات. بەڵام بۆ وای نەکرد؟ ئایە گەمژە بوو؟
راستییەکەی هەر وا سادە نییە، دروستکردنی کەرەستەی تازە بۆ ئەوەی خەڵکی لەسەری بژین دەبێت هۆی ئەوەی دانیشتوان ئەوەندەی تر زیاد بکات، واتە ڕێژەی زیاد بوونی دانیشتوان خێراتر دەبێت. بەم شێوەیە ئەگەر گەردوون دوو هێندەش بکات، ئەوە لە ماوەیەکی کەمتر سەرچاوەکانی تەواو دەبن وەک لەوەی نیوەی خەڵکیەکەی لەناوببات. بە لەناوبردنی نیوەی خەڵکەکە کاتێکی زۆری دەوێت بۆ ئەوەی دووبارە زیاد بکەن و بتوانن سەرچاوەکان کەمتر بکەن.
جگە لەوەش، کی دەڵێت دەسەتەوانەکەی توانای ئەوەی هەیە؟ لەوەیە توانای لە لەناوبردندا زۆر باشتر بێت لە دروستکردندا. کەوایە بە جۆرێک ناتوانین لۆمەی سانۆس بکەین بۆ کردنی ئەم کارە. لەڕوانگەی ئەوەوە، ئەوەی دەیکات خراپەکارییەکی پێویستە کە دەبێت ئەنجام بدرێت بۆ چارەسەرکردنی کێشەیەکی گەورە، ئەو لە ڕووانگەی خۆیەوە جۆرێکە لە پاڵەوان. سانۆس تەنانەت ئامادە بوو خۆی یەکێک بێت لەو نیوەیەی کە لەناودەبرێت بۆ ئەنجامدانی ئەرکەکەی! ئەو کچە خۆشەویستەکەی خۆیی کوشت بۆ بەدەستهێنانی ئامانجەکەی، هاوسەنگی گەردوونی! 

لەڕاستیدا، پێشکەوتنی وڵاتێک مانای زۆربوونی دانیشتوان نادات!

لە ژیانی واقعیدا، پێشکەوتنی وڵات راستە دەبێت هۆی کەمبوونەوەی مردن بەهۆی نەخۆشی و هۆکارە سروشتییەکانەوە، بەڵام خەڵکی وڵاتە پێشکەوتووەکان بەشێوەیەکی سروشتی خۆیان بڕیار دەدەن کە منداڵیان کەمتر بێت لە چاو وڵاتەکانی جیهانی سێیەم. واتە گەر لەم دۆخەدا خەڵکی سۆماڵ منداڵیان زۆر دەبێت لە چاو ویلایەتە یەکگرتووەکان بە نموونە، ئەگەر سۆماڵ ڕۆژێک پێشبکەوێت ئەوا بەشێوەیەکی گشتی خەڵکەکە بەبی زۆرلێکردن منداڵیان کەمتر دەبێت. هەرچەند هەندێک وڵاتی وەک چین، بڕیاری یەک منداڵیان هەیە، واتە هەر خێزانێک ناچارە تەنها یەک منداڵ زیاتریان نەبێت، ئەمەش لەبەر کەمکردنەوەی دانیشتوان. بێگومان دەبێت هەر خێزانێک لە دوو منداڵ زیاتریان هەبێت بۆ ئەوەی دانیشتوان بەرەو زیاتربوون بروات.
دۆخەکە هەرچۆنێک بێت، کوشتنی خەلکی هەرگیز هەڵبژاردەیەک نییە بۆ چارەسەکردنی ئەم کێشەیە، هەر بۆیە پاڵەوانانی Infinity War بەرامبەری سانۆس وەستانەوە، هەرچەندە لە کۆتاییشدا شکستیان هێنا!

رای تۆ چییە لەسەر بابەتەکە؟ لە کۆمێنت پێمان بڵێ.

نووسینی: بروا حسێن

ئاڤەتار: ئەڵقەی سی

9/17/2018 04:46:00 م سەرنجێک بنووسە






ئاڤەتار
"دواهەمیین ملکەچپێکەری هەوا"

کتێبی دوو: خاک
بەندی سی: کتێبخانەکە

زنجیرە فلیم کارتۆنی Avatar: The Last Airbender بە ژێرنووسی کوردی، بەرهەمی Kurdio Anime و تێک ئەپ.
وەرگێڕان و ژێرنووسکردنی: بڕوا حسێن
قەبارەی ڤیدیۆیەکان بە 960x720ە، لەو قەبارەیە باشترمان دەست نەدەکەوت چونکە ئەنیمەیشنەکە خۆی بە 3:4 دروستکراوە.

  • دابەزاندن:
    ئاگەداری: لینکی دابەزاندن لە گۆگڵ درایڤ بلۆک کراوە، هەموو ڤیدیۆیەکان سڕاونەتەوە، بەڵام دەتوانن ڤیدیۆکان لە Mega دابەزێنن بەبێ کێشە.

 هەموو ڤیدیۆکان لەم لینکە هەیە.


دابەزاندن لەگۆگڵ درایڤەوە: 



دابەزاندن لە Mega:

داگرتنی ژێرنووس بەتەنها:
بۆ پاراستنی مافی ئێمە لە دزینی ژێرنووسەکان، فایلی ژێرنووسمان دانەناوە، گەر پێویستت پێی بوو ئەوە پەیوەندیمان پێوە بکە.

  • بینینی ڕاستەوخۆ:

تایبەتمەندییەکانی ئایفۆنە نوێیەکانی ئەپڵ

9/15/2018 01:08:00 ص سەرنجێک بنووسە

ئەپڵ سێ ئایفۆنی نوێی ڕاگەیاند iPhone XS و iPhone XS MAX و iPhone XR، لەگەڵ ئەوەشدا بەرهەمهێنانی iPhone Xی ڕاوەستاند. نرخی ئەم ئایفۆنە نوێیەنا بەڕاستی گرانە و ئەمجارە ئەپڵ وەکو جاری پێشوو نرخەکانی بەشێوەیەکی خەیاڵی بەرزکردۆتەوە! خوێنەری ئەم بابەتەبن بۆ ئەوەی وردەکاری تایبەتمەندییە نوێیەکانی ئەم ئایفۆنانە بزانن.
لەلای ڕاستەوە: iPhone XS Max - iPhone XR - iPhone XS

ناونانێکی گەمژانە!

ئەمە ڕای خۆمە، "ئەم ئایفۆنە نوێیانە، گەمژانەترین ناوی ئایفۆنیان هەبووە!". iPhone XS زۆر بچوک نییە وەک ناوەکەی پێشنیاری دەکات! پاشان کێ هێمای ڕۆمانی "X" لەگەڵ پیتی ئینگلیزی "R" بەیەکەوە کۆدەکاتەوە؟! هەر بەڕاست ئەوە مانای چی دەدات؟! ئەی بۆچی iPhone XS Max بەهەمان شێوەی پیتی Sی پێوەیە؟! تەنها بیری لێبکەوە چەند ناخۆشەبێت بە هاوڕێیەکت بڵێیت "ئایفۆن ئێکس ئێس ماکسم هەیە." بێگومان باسی پۆز لێدانەکەی ناکەین! هەر بەڕاست، X مانای ژمارە 10 نادات؟ کەوایە iPhone XS Max واتە iPhone 10S 10am؟! هاها با واز لەمە بهێنین و بچینە سەر ئەسڵی بابەتەکە.

iPhone XS و iPhone XS Max

جیاوازی سەرەکی ئەم دوو ئایفۆنە تەنها قەبارەیانە. iPhone XS بە قەبارەی 5.8 inch و بە ڕوونمایەکی 2436x1125 پیکسڵ (458ppi - پیکسڵ بۆ هەر ئینچێک). iPhone XS Maxیش بە قەبارەیەکی زەبەلاحی 6.5 inch کە ڕوونماکەی 2688x1242 پیکسڵ کە هەمان چڕی پیکسڵی هەیە (458ppi). و ڕێژەی شاشە بۆ لاشەی ئەم دوو ئایفۆنە تەنها 82.9% و 84.4%ـە یەک بە دوای یەک. واتە ڕێژەیەکی ئێجگار بەرزنییە لە کاتێکدا هەندێک مۆبایلی ئەندرۆین ڕێژەی سەروو 90%یان هەیە، چونکە ئەم ئایفۆنانە نۆچێکی (notch) گەورەیان لەسەرەوە هەیە بە هەمان شێوەی iPhone X.

جگە لە قەبارە، ئەم دوو ئایفۆنە هەمان تایبەتمەندییان هەیە - هەردووکیان شاشەیەکی OLED، بە تایبەتمەندی True Tone، کە هەمان چڕی پیکسڵیان هەیە و پشتگیری لە Dolby Vison و HDR10 و 3D touch دەکەن.
هەردووکیان پشتگیری لە IP68 بەرگری ئاوی دەکەن، کە ئەم تایبەتمەندییەیان بەڕاستی بەسوودە. دەتوانیت ئایفۆنەکەت تا قووڵی سێ مەتر لە نێو ئاو بهێڵیتەوە بەبێ ئەوەی تووشی کێشە بێت - لە جیاتی یەک مەتر کە لە ئایفۆنەکانی پێشووتر هەبوو.

دوو SIM!

بەڵێ بەهەڵە نەتخوێندەوە! هەردوو iPhone XS و iPhone XS Max پشتگیری لە دوو سیمکارتی دەکەن. ئەو تایبەتمەندییە سەردەمێکە لە مۆبایلەکانی ئەندرۆید هەیە، ئەپڵ تازە هەستی پێدەکات کە بەکارهێنەرن پێویستیانە! لەو وڵاتانەی کە پشتگیری لە eSIM (سیمکارتی ئەلیکترۆنی) دەکەن، ئەوا شوێنی یەک سیمکارتی فیزیکی هەیە و لەگەڵ پشتگیری لە eSIM. بەڵام لە زۆربەی وڵاتانی ئاسیا کە هێشتا زۆربەی کۆمپانیاکانی تێلیکۆم پشتگیری لە eSIM ناکەن، جێگەی دوو سیمکارتی هەیە!

خێرای و قەبارەی بیرگە

هەرسێ ئایفۆنە نوێیەکە بە پرۆسێسەری A12 Bionic Chipی نوێی ئەپڵ کاردەکەن. کە نزیکی 15% خێراترە لەهی پێشوو. هەردوو CPU و GPU خاوەنی 6 ناوکن (Core). هەروەها خاوەنی 4GB بیرگەی ‌هەڕەمەکین RAM. هەروەها لە ڕووی پرۆسێسکردنی وێنەوە ئەوا بەشێوەیەکی بەرچاو خێراتر بووە، بۆیە کاریگەرییەکی بەرچاوی دەبێت لەسەر وێنەگرتن. 

کامێرا

هەردوو iPhone XS و iPhone XS Max هەمان کامێرایان هەیە. لەڕووی ڕەقەکاڵاوە ئەمجارە ئەپڵ گۆڕانکارییەکی بەرچاوی نەکردووە، بەڵام لەڕووی نەرمەکاڵاوە بەهۆی دوواکەوتنی لەچاو ڕکابەرەکانی، ئەپڵ بەرەوپێشبرندێکی بەرچاوی کردووە لەلایەنی سۆفتوێرەوە و پێشبینی دەکرێت کاریگەری زۆری هەبیت لەسەر وێناگرتن. کامێرای پشتەوەیان دوو هاوێنەیە کە خاوەنی 12 مێگا پێکسڵە، لەکاتێکدا کامێرای پێشەوە 7 مێگاپێکسڵە. لەبیرمان نەچێت کە iPhone XR خاوەنی کامێرایەکی یەک هاوێنەی 12 مێگاپێکسڵە لە پشتەوە.

iPhone XR

ئەمساڵ iPhone XR مۆبایلە هەرزانەکەی ئەپڵە - تەنها 749$!! و ئەم مۆبایلە چەند تایبەتمەندییەکی کەمترە لەو دووانەی تر بە نرخێکی کەمتر. قەبارەی مامناوەندییە - 6.1 inch. شاشایەکی LED هەیە لە جیاتی OLED کە پیکسڵی کەمترە 1792x828. کامێرای پشتەوەی یەک هاوێنەیە. خاوەنی Touch ID نییە. بێگومان ئەم تایبەتمەندییانە زۆر پشت شکێن نییە دوای ئەوەی دەزانی نرخی ئەو دووانەی تر چەندێکە!

نرخ

بەداخەوە ئەمجارەش ئەپڵ لەڕووی نرخەوە هیچ بەزەیی نەبووە. نرخەکان بەم شێوەیەن:
  • iPhone XS - 64GB ($999), 256GB ($1,149), 512GB ($1,349)
  • iPhone XS Max - 64GB ($1,099), 256GB ($1,249), 512GB ($1,449)
واتە نرخەکان لە 999$ەوە دەست پێدەکەن کە ئەوەش نرخێکی ئێجگار زۆرە. 

ڕای تۆ چییە؟ ئایە پێت وایە ئەپڵ ئەمجارە شایەنی ئەوەیە تاقیبکەیتەوە بەو نرخە زۆرەوە؟

تایبەتمەندییە نوێیەکانی iOS 12 Beta و چۆنیەتی بەدەستهێنانی

9/14/2018 02:04:00 م سەرنجێک بنووسە

وەشانی نوێی iOS بەڕێوەیە

هێشتا وەشانی iOS 12 بەردەست نییە، بەڵام وەشانی beta بۆ گەشەپێدەران دەمێکە لەلایەن ئەپڵەوە بڵاوەپێکراوە و، گەشەپێدەران و هەر کەسێک بیەوێت دەتوانێت وەکو تاقیکردنەوە بەکاریبهێنێت. تاکو ئێستا 12 وەشانی فەرمی iOS 12 Beta دەرچووە بۆ بەکارهێنانی گشتی. لێرەدا چەند تایبەتمەندییەکی نوێی ئەم وەشانە دەخەینەڕوو و دواتر ڕوونی دەکەینەوە کە چۆن تۆش بتوانیت وەشانی ئایفۆۆنەکەت بەرز بکەیتەوە بۆ ئەم وەشانە نوێیە.
من خۆم ئەم وەشانە نوێیەم لەسەر iPhone 6 تاقیکردۆتەوە و، لە ڕووی ڕووکار و شێوەیە ئەوا گۆڕانکارییەکی ئەوتۆ ڕووی نەداوە، بەڵام لەڕووی خێراییەوە ئەوا هەر بەو شێوەیەی کە ئەپڵ بەڵێنی داوە، ئەم وەشانە گۆڕانکارییەکی تەواو لە خێرایی مۆبایلەکانی ئایفۆن 7 و 6 دەکات. ئێستا بەرنامەکان زۆر لە پێشتر خێراتر دەکرێنەوە، کیبۆردەکەت خێراتر دەکرێتەوە و، لەکاتی گۆڕینی بەرنامەکان، ئەوا بەشێوەیەکی خێراتر ڕوودەدات.

تایبەتمەندییە نوێیەکان:

  1. جووڵەکانی iPhone X لەسەر ئایپاد
    ئەم وەشانە نوێیە ڕێگە بە بەکارهێنەرای ئایپاد دەدات کە جووڵە نوێیەکانی (Gesture) تایبەت بە iPhone X لەسەر ئاپادەکانیان بەکاربهێنن. بێگومان ئەمەش یارمەتی زۆر لە ئاسان بەکارهێنانی ئایپادەکەت دەدات.
  2. زانیاری لەسەر بەکارهێنانەی هەموو بەرنامەکان
    ئەم وەشانە نوێیە زنیاریت پێدەدات کە ڕۆژانە هەر بەنامەیەک چەندێک بەکاردەهێنیت، هەروەها دەتوانیت کاتێکی دیاریکراو دابنێیت کە چەندێک ئەو بەرنامە بەکاربهێنیت کە دواتر ئاگەدارکردنەوەت پێدەدات.
  3. چاککردنی گرتنی وێنەی شاشە لە iPhone X
    گلەییەکی زۆر هەبوو دەربارەی iPhone X لەلایەن بەکارهێنەرانەوە، ئایفۆنەکە بەشێوەیەکی هەڵە لە خۆیەوە وێنەی شاشەی دەگرت، زۆرجار کاتێک لە گیرفان دەردەکرا. بەڵام ئێستا ئەپڵ بەشێکی زۆری ئەو کێشەی چارەسەر کردووە لە ڕێگەی پێویست بوون بەوەی کە دەبێت مۆبایلەکە کراوەبێت و شاشەکەی داگیرساوبێت بۆ ئەوەی وێنەی شاشە بگرێت.
  4. Group Facetime
    لەڕێگەی ئەمەوە دەتوانیت لەگەڵ تاکو ٣٢ کەس چات بکەیت لە هەمان کاتدا! ئەم تایبەتمەندییە لە وەشانەکانی سەرەتاوە نایەت، بەڵام ئەپڵ پلانی وایە لە کۆتایی ئەم پاییزە ئەم تایبەتمەندییە زیادبکات.
  5. چەند تایبەتمەندییەکی نوێی لە بەشی جۆراوجۆر، وەکو کورتکراوەکانی Siri، ئیمۆجی و میمۆجی و ئەنیمۆجی نوێ، شکڵیکی تازە بە ئەپی Maps و چەندین وردە تایبەتمەندی تر.

چۆنیەتی بەدەستهێنانی وەشانەکە:

هۆشداری: لەبەر ئەوەی ئەم وەشانە betaـە بۆیە مەترسی ئەوە هەیە کە بەتەواوی ئەپدەیت نەبێت و هەموو داتاکانت لەدەست بدەیت. بۆیە ئەمەی کە دەیکەیت هەمووی خۆت لێی بەرپرسیاریت و ئێمە بەرپرسیار نین ئەگەر داتاکانت فەوتا. دەتوانی بۆ ئەوەی لەم مەترسییە بەدووربیت سەرەتا زانیارییەکانت باکئەپ بکە لە ڕێگەی iTunesـەوە.
شوێننی ئەم هەنگاوانە بکەوە بۆ ئەوەی بزانیت چۆن ئەم وەشانە نوێیەت دەستبکەوێت:

  1. لەم لینکە Apple Beta کلیک بکە لە Sign Up و پاشان Apple ID خۆت داخڵ بکە.
  2. دوای ئەوەی چوویتە سەر Beta Program، دواتر Sign In بکە، پاشان کلیک بکە لە Enroll Your iOS Device.
  3. لەسەر مۆبایل/ئایپادەکەت بچۆ سەر beta.apple.com/profile. دواتر پرۆفایلەکە Install بکە.
  4. کە ئەم کارەت تەواو کرد لەمەودوا وەشانە نوێیەکە لەبەشی Setting>General>Software Update بەردەست دەبێت.

ئاڤەتار: ئەڵقەی بیست و نۆ

9/13/2018 09:17:00 م سەرنجێک بنووسە






ئاڤەتار
"دواهەمیین ملکەچپێکەری هەوا"

کتێبی دوو: خاک
بەندی بیست و نۆ: کارە تاڵەکە

زنجیرە فلیم کارتۆنی Avatar: The Last Airbender بە ژێرنووسی کوردی، بەرهەمی Kurdio Anime و تێک ئەپ.
وەرگێڕان و ژێرنووسکردنی: بڕوا حسێن
قەبارەی ڤیدیۆیەکان بە 960x720ە، لەو قەبارەیە باشترمان دەست نەدەکەوت چونکە ئەنیمەیشنەکە خۆی بە 3:4 دروستکراوە.

  • دابەزاندن:
    ئاگەداری: لینکی دابەزاندن لە گۆگڵ درایڤ بلۆک کراوە، هەموو ڤیدیۆیەکان سڕاونەتەوە، بەڵام دەتوانن ڤیدیۆکان لە Mega دابەزێنن بەبێ کێشە.

 هەموو ڤیدیۆکان لەم لینکە هەیە.


دابەزاندن لەگۆگڵ درایڤەوە: 



دابەزاندن لە Mega:

داگرتنی ژێرنووس بەتەنها:
بۆ پاراستنی مافی ئێمە لە دزینی ژێرنووسەکان، فایلی ژێرنووسمان دانەناوە، گەر پێویستت پێی بوو ئەوە پەیوەندیمان پێوە بکە.

  • بینینی ڕاستەوخۆ:

ئاڤەتار: ئەڵقەی بیست و هەشت

9/05/2018 11:44:00 م سەرنجێک بنووسە






ئاڤەتار
"دواهەمیین ملکەچپێکەری هەوا"

کتێبی دوو: خاک
بەندی بیست و هەشت: ڕاوەدوونانەکە

زنجیرە فلیم کارتۆنی Avatar: The Last Airbender بە ژێرنووسی کوردی، بەرهەمی Kurdio Anime و تێک ئەپ.
وەرگێڕان و ژێرنووسکردنی: بڕوا حسێن
قەبارەی ڤیدیۆیەکان بە 960x720ە، لەو قەبارەیە باشترمان دەست نەدەکەوت چونکە ئەنیمەیشنەکە خۆی بە 3:4 دروستکراوە.

  • دابەزاندن:
    ئاگەداری: لینکی دابەزاندن لە گۆگڵ درایڤ بلۆک کراوە، هەموو ڤیدیۆیەکان سڕاونەتەوە، بەڵام دەتوانن ڤیدیۆکان لە Mega دابەزێنن بەبێ کێشە.

 هەموو ڤیدیۆکان لەم لینکە هەیە.


دابەزاندن لەگۆگڵ درایڤەوە: 



دابەزاندن لە Mega:

داگرتنی ژێرنووس بەتەنها:
بۆ پاراستنی مافی ئێمە لە دزینی ژێرنووسەکان، فایلی ژێرنووسمان دانەناوە، گەر پێویستت پێی بوو ئەوە پەیوەندیمان پێوە بکە.

  • بینینی ڕاستەوخۆ:








الاشتراك في: الرسائل ( Atom )